Bee nu'udar Fator determinante ba Moris, ligasaun ho Setór Produtivu sira

intervensaun Diretór HAK Sr. Feliciano da Costa Araújo, HAK nia estabelesimentu to’o ohin loron lapara  atu koalia kona-ba direitus umanus. Semana kotuk HAK komemora loron direitus umanus iha 10 dezembru hodi halo dialogu ho estudante, ativista, parseiru NGO sira kona-ba setór produtivu sira. Ohin ita halo dialogu ho  instituisaun relavente sira hodi kontribui ideias hodi hare’e hamutuk ba setór importante sira ne’ebé ita nia estadu kontinua la tau prioridade. Prezensa Sefe suku sira iha ne’e  hanesan Liman a’in povu nian espera ita bo’ot sira bele halian povu nia lian. HAK Espera ita bo’ot sira nia prezensa bele kontribui ideas balun liga ho luta ne’ebe agora ita hala’o hela.

Contry Director WaterAid Timor-Leste iha ninia intervensaun maluk sira iha dia 10 dezembru liu ba ita diskute kona-ba loron Diretus Umanus. WaterAid nia parte hakarak hare’e liu ba asuntu bee iha Timor leste. Iha situsaun lubuk ida mak ita enfrenta iha periodu ukun rasik a’an ita presisa haree ita nia dezenvolvimentu ba bee no saneamentu to’o iha ne’ebé ona. Tanba interpretasaun ba moris ne’e bee no saneamentu kontribui maka’as no kontinua esforsu maka’as hodi servisu ho praseiru estadu no mós parseiru save sira hodi Respeita protégé no hakonu direitu povu nian asesu ba bee.

Kada tinan tinan ita hakarak investimentu ba bee ne’e tenke bo’ot iha alokasaun orsamentu Jerál estadu (OJE). Iha sorin seluk bee no saneamentu iha ligasaun ho setór produtivu sira hanesan Agrikultura, Saúde, Edukasaun no setór sira seluk. Polítika no finansiamentu ba asuntu ne’e importante loos iha situsaun ne’e ita iha esperansa katak ho apoiu Guvernu nian hodi tau matan ba kestaun ne’e. Ita iha Klima rua wainhira  tempu bai-loron ne’e bee maran nune’e importante tebes atu  halo konservasaun ba bee matan sira.

Ita mós hakarak garante bee ne’ebé inklusivu ba ema hotu ba ema ho defisiensia no ema vulneravel sira . Tuir survey ita nian katak inan feton sira servisu barak liu kona-ba bee. Ho nune’e ita hakarak asegura bee moos ba ita nia inan feton sira no ema ho defisiensia sira. Parabens loron mundiál direitus umanus  ba ita hotu, espera direitus umanus sai pilar importante hodi integra iha ita nia vida moris lor-loron.

Intervensaun  Xefi Gabinete Agua e saneamentu Sr. Luis da Costa, Bee nuu’dar fator determinante ba ita nia moris, laiha bee, laiha moris, Estadu sei kontinua reforsa iha asuntu agua no saneamentu, Guvernu tenke garante asessu bee ba ema hotu, maske nunee’e servisu ida ne’e la’os buat fasil, oinsá ita esforsu hodi garante direitu sira ne’e. Hanesan capital Dili mós sei kontinua hasoru problema ba bee. Ita hasoru bai-loron naruk nune’e prejudiika debit bee tun. Tinan oin ita bele haree ona ita nia polítika ida kona-ba asuntu bee, Presisa fó atendimentu seriu ba asuntu bee. Oinsá ita kontinua servisu makaas hodi aselera nune’e to’o  iha 2030 Guvernu bele halo ona buat ruma iha asuntu bee moos.

Ministru Agriklutura, Peska, Pekoaria no Floresta (MAPPF) Sra. Marcos da Cruz iha ninia intervensaun ohin ita koalia ona katak Parlamentu Nasionál  halo hela  debate ba orsamentu Jerál Estadu (OJE)  tinan 2024. Hau apresia ho HAK tamba la’os foin mak envolve iha prosesu dezenvolvimentu, maibé antes ne’e mós koalia ona kona-ba asuntu direitus umanus iha tempu okupasaun wainhira HAK hahu eziste. Envolvimentu HAK nian nafatin importante iha prosesu dezenvolvimentu ba ita nia rain.

Partispantne sira iha ne’ebe iha  ne’e, ita nia   joven uluk sira hanoin estuda atu ita ukun a’an joven ohin loron  tenki estuda atu oinsa povu bele moris di’ak. Dialogu ida ne’e bele fó ideia atu hakonu ema nia direitu ne’ebé seidauk hakonu husi buat sira ne’e hakerek ona DUDH.

Importante tebes ita komemora loron ne’e atu fó hanoin mai ita nafatin oinsá atu fornese mai ita kona-ba buat ne’ebe povu presiza iha setór produtividade sira . Fornese ai-han no seguransa ai-han, soberania  ai-han, dsiponibilidade ai-han hodi hatan ba nesesidade moris loro-loron nian. Ita foin produs 50 toneladas ba fos ita seidauk koalia kona-ba produtus sira seluk. tinan ida fornese 15 KG ba ema ida, maibé ita foin to’o 10 KG ba ema ida kada tinan,

Ita nia produtus barak liu  ita sei lori husi rai liur mai tanba ita nia produsaun seidauk hatan ba demanda ne’ebe iha. Ita seidauk iha fasilidade, ita seidauk moderniza ita nia agrikultura. Iha sorin seluk ita iha bainloron naruk, mudansa klimatika estraga mós buat barak hanesan irigasaun no fasildade sira seluk tan ida ne’e sai deszafiu bo’ot mós mai ita.

Timor-Leste sei defisil atu kompete merkadu Asean tanba ita laiha  produsaun. Dialogu ne’e importante tebes nune’e hau mai iha ne’e atu ita bele servisu hamutuk, la’os iha ne’e de’it maibé oinsá ita bele konsensializa ita nia joven agrikultura sira kona-ba produsaun. Estadu respeita ema ida-idak nia direitu asesu ba ai-han, Estadu iha dever atu protéze  no hakonu direitu povu sira kona-ba asesu ba ai-han

Intervensaun Koordenador Peskiza Asuntu Ekonómia no Rai, Sr. Mariano Ferreira, Politika sira laiha seriedade hodi hadia setór sira ne’ebé besik liu povu nia moris, Ukun nain sira haluha tia, hanesan Setór agrikultura liga ba buat tomak, iha sekretariadu nain neen (6) mak iha ministériu agrikultura nia okos. Guvernu rasik rekuinese katak Timor-Leste nia nivél kiak sei a’as 41.8%. Joven ne’ebé ho idade produtivu mak ho numeru a’as iha Timor-Leste maibé la hetan asesu Edukasaun ne’ebé kualidade, oinsá ita hanoin atu hasa’e produsaun kafe, Ita nia nasaun sei domina husi produtu importadu mai husi rai liur. Problema mal nutrisaun sei kontinua sa’e.

Aldeinde ne’e Xefi suku sira mak sai hanesan povu nia lian, komspostu husi Munisípiu Aileu, Ainaro, Baucau, Viqueque, Ermera, Manufahi no Liquiça, nafatin hato’o preokupasaun Povu nian iha setór importante sira ne’ebé mak Povu presija urjenti mak henesan Bee Moos, Agrikultura, Saúde, Edukasaun, no Infraestrutura baziku sira, husu ba Governu IX tau prioridade  ba setór importante sira iha OJE-2024.